ازل دونیانی یارادان خالق سبحان گوزه‌ل گره اوندان غافل اولمیاسان هردیقه هرآن گوزه‌ل
آب و آتش خاک و باد دان یارانیــبدی کائینات خوش او کسین حالیناکی گتیریب ایمان گوزه‌ل
---------------------------------
عـارف اؤلان بو دونیـانیـن واریـنا آلـلانماسین مـحشر گونی شیطان کیمی ناره الوؤلانــماسین
مرد اؤدور کی یامان گونده قاچیپ دالدالانماسین ائیله سین غملی دوستلارین دردینه درمان گوزه‌ل
---------------------------------
عاشق ابوالفضل دوستلارین کؤنلونی شاد ایسته ئیر بوتون غملی کؤنول لری غمده‌ن آزاد ایسته ئیر
دار گونده حقه یالواریب حقده‌ن امداد ایسته‌ئیر مؤشکوللری حل ائیلیه‌ن او شاه مردان گوزه‌ل
شاعر : عاشیق ابوالفضل عبادیان
شماره 1
